Demə Məcnuna Dəli

Əliağa Vahid qəzəl janrına yeniliklər gətirməsi, mövzu dairəsini genişləndirməsi, özünəməxsus dəstxəti ilə məşhurdur. Böyük mütəfəkkir Məhəmməd Füzulini özünə ustad hesab edən, bir çox qəzəlləri dillər əzbəri olan, oxucuların, xalqın ürəyinə yol tapmağı bacaran Vahid ölümündən illər keçsə də, sevilir, hörmətlə yad edilir. Vahid daha çox sevgi mövzusuna müraciət etsə də, sovet hökumətinin qılıncının kəskin vaxtında belə problemləri dilə gətirməkdən çəkinməyib, bütün varlığı ilə xalqın yanında olmağa çalışıb.