Milli Hekayələr

Kitabda Azərbaycanın və türk dünyasının tarixi simalarının - Məhəmmədəmin Rəsulzadə, Məhəmməd Məhərrəmov, Əhməd Ağaoğlu, Mirzə Göygöl, Məhəmməd Kəngərli, Zəki Vəlidi Toğan, Əmin Abid, Osman Kocaoğlu, Əziz Alpaut, Miryaqub Mirmehdiyev, Məhəmməd Altunbay və digər şəxsiyyətlərin həyat və irsinə dair arxiv materiallarına əsaslanan məqalələr toplanıb. Tədqiqatda ilk dəfə elmi dövriyyəyə daxil edilən sənədlər, nadir fotoşəkillər və mühacir nəslin nümayəndələri ilə aparılmış müsahibələr əsasında azərbaycanlı ziyalıların ictimai-siyasi fəaliyyətinə və tariximizin az öyrənilmiş aspektlərinə yeni baxış təqdim olunur. Əsər geniş oxucu kütləsi üçün nəzərdə tutulub.