Qaraca Qız

XX əsr Azərbaycan ədəbiyyatını tanınmış simalarından olan Süleyman Sani Axundovun ən məşhur hekayələri “Qorxulu hekayələr” silsiləsi altında birləşib. Bu silsilənin ən çox sevilən hekayəsi isə, sözsüz ki, “Qaraca qız”dır. Əsər ailə-məişət mövzusunda yazılsa da, sinfi bərabərsizliyin ifşası baxımından dəyərli nümunədir. Müəllif savadsızlığın, xurafatın cəmiyyəti necə girdabına çəkdiyini parlaq, səmimi boyalarla, eyni zamanda, rəssam fırçasının rəngarəngliyi ilə çox gözəl ifadə edib. “Abbas və Zeynəb”, “Əhməd və Məleykə” hekayələrində də dövrün acınacaqlı portreti cızılır, əhalinin məişətindəki problemlər qabardılır.