Yanılmışam, Tanrı varmış

Entoni Flu, britaniyalı filosof və analitik məktəb nümayəndəsi, ateist düşüncələrinin 15 yaşında ortaya çıxdığını söyləmişdi. Onun "İlahiyyat və saxtakarlıq" (1950-ci il) adlı elmi məqaləsi, son yarım əsrin ən çox nəşr olunan işi olaraq, onu dünya miqyasında qətiyyətli ateist kimi tanıtdı və eyni zamanda müasir ateizmin istiqamətini müəyyənləşdirdi. Ateizm yolunda hər kəsin getməli olduğunu iddia edərək, filosof uzun illər ərzində ölümündən sonrakı həyat ideyasını, azad iradənin şər ilə mübarizə problemini və Tanrının məna anlayışını tənqidə məruz qoydu. O, 2003-cü ildə "III Humanizm Manifesti"ni imzalayanlar arasında idi. Karyerası boyunca Flu din fəlsəfəsi üzərində çalışmış, iyirmi il Killu Universitetində fəlsəfə professoru kimi dərs vermiş və Oksford, Aberdin, Redinq və Toronto York Universitetlərində çalışmışdır. O, "Tanrı və fəlsəfə", "Ateizm Prezumpsiyası" və "Doğru düşünmək" daxil olmaqla otuzdan çox kitabın müəllifidir. Altı ildən çox bir müddətdə qətiyyətli ateist tərəfdarı olan Flu, 2004-cü ildə Tanrının mövcudluğu barədə inanclarını dəyişdiyini və kainatın ağıllı yaradıcısına inandığını elan etdiyində həmkarlarını və ateist dostlarını heyrətləndirdi. Şəxsi Tann konspeti barədə düşüncələrini aydınlaşdırmaq üçün o, deizmə, daha dəqiq desək, Aristotelin təklif etdiyi Tann modelinə inandığını açıqladı. Flunun 2007-ci ildə Roy Abraham Varges ilə birlikdə nəşr olunan "Tanrı mövcuddur: Dünyanın ən məşhur ateisti necə fikrini dəyişdi" kitabı tədqiqatçının Tanrıya gediş yolunu addım-addım təsvir edir.