Mən Nucudam, 10 Yaşım var və boşanmışam

«Məni Nucud adlandırırlar. Mən Yəmənin uzaq bir kəndində doğulmuşam. Mənim on yaşım var — ən azından anam belə düşünür. Ölkəmizdə kənd sakinlərinin pasportları yoxdur, buna görə də heç kim onların dəqiq yaşını bilmir. Mənə doqquz yaşım olanda məni üç dəfə yaşlı bir kişiyə məcburi ərə verdilər. Həyatım zorakılıq və döymələr dövrünə çevrildi. Sonra bir gün səhər qərara gəldim ki, kifayətdir - çörək almaq üçün evdən çıxdım və məhkəməyə getdim, ümid edirdim ki, kimsə mənim hekayəmi dinləyəcək». 10 yaşlı Nucudun böyük mübarizəsindən xəbərdar olmaq üçün bu kitabı oxuyun. Bu kitab eybəcər adətlərə qarşı çıxmağa cəsarət edən gənc qızın böyük faciəsi və onun mübarizə əzmi haqqında. Məşhur fransız qəzetinin «Fiqaro» müxbiri, «Albert London» mükafatı laureatı Delfina Minui sadəlövh, lakin son dərəcə cəsur on yaşlı qızın mübarizəsini qəhramanın sözləri ilə avtoportret olaraq təsvir edir. Bu kitabda Nucud ona baş verənləri uşağın dili ilə ürəkyandıran səmimiyyətlə danışır. Ona bəxş edilmiş taleyə qarşı çıxmağa cəsarət edən Nucud Əlinin qələbəsi itirilmiş uşaqlığı geri qaytarmır, lakin məcburi evlənən minlərlə gənc qız üçün ümid verir.