Sonuncu İstintaq

Təhsilini yenicə başa vurmuş azərbaycanlı əsgər və bir erməni zabiti pasifist düşüncələrlə müharibə alovunun içinə düşürlər. Hadisələr müharibəni iki tərəfin – Azərbaycan və Ermənistan əsgərlərinin gözü ilə görməyə imkan verir. Onların həyat hekayələri, taleləri bir nöqtədə kəsişir. Ən ağır sınaqlar qarşısında insanın kimliyi, vicdanı və seçimləri ortaya çıxır. Əsər oxucunu İkinci Qarabağ müharibəsinin qanlı səhnələrinə aparır, lakin bu səhnələrdə yalnız gülləbaran, partlayış deyil, həm də dostluq, qardaşlıq, fədakarlıq və insanlığın öz insaniyyətini qoruma mübarizəsi var. Hər iki əsgərin daxilində gedən psixoloji savaş bizə müharibənin əsl üzünü göstərir. Nifrətlə mərhəmətin, qorxu ilə cəsarətin, ölüm istəyi ilə yaşamaq arzusunun toqquşduğu daxili cəbhə... Bu hekayə müharibəni yalnız döyüş meydanında deyil, insan ruhunun ən gizlin qatlarında da təsvir edir. Oxucu isə daim bir sualla üzləşir: müharibə insanlığı məhv edir, yoxsa onun həqiqi simasını üzə çıxarır?