Aldanmış Kəvakib

Mirzə Fətəli Axundovun “Aldanmış kəvakib” əsəri xalqla idarəçilərin arasındakı uçurumu təsirli boyalarla oxucuya göstərir. Böyük ədib feodal idarəçiliyinin, mövhumatın necə böyük bəlalara yol açdığını, savadsız xalqın xurafat, istibdad tərəfdarlarının çaldığı hər havaya oynadıqlarını ürəkağrısı ilə təsvir edir. Camaat zülmə o qədər öyrəşib ki, ədalətli idarəçiliklə razılaşmır, istibdadın bərqərar olmasını istəyir. Axundovun “Qəribə hekayə”si isə ərəb qrafikalı əlifbanın qüsurlarını açıb göstərən maraqlı nümunədir.