Sığmazam

Azərbaycan klassik ədəbiyyatının görkəmli nümayəndələrindən olan İmadəddin Nəsimi istər yaradıcılığı, istərsə də yaydığı hürufilik təlimi ilə Yaxın Şərqdə çox məşhurdur. Onun “Sığmazam”, “Ağrımaz”, “Hardasan?” kimi qəzəlləri əsrlərdir, dillər əzbərinə çevrilib. Nəsimi istər şair, istər şəxsiyyət kimi həmişə zülmə, xurafata, cəhalətə qarşı olub, öz kəskin qələmi ilə eybəcərlikləri qamçılamaqdan çəkinməyib, haqsızın qarşısında, haqlının, məzlumun yanında dayanıb.